2015商場聖誕市集篇

嚟到12月，大家都可以見到滿街聖誕燈飾同佈置，成個香港都彌漫著一片聖誕氣氛！所以嚟緊幾個星期，小編會為大家介紹一系列既聖誕活動！而家就等小編先同大家介紹下唔同商場舉辦嘅聖誕市集！

1.【「Ice ＆ Cosy」白色聖誕市集2015】

日期：2015年12月3日 - 5日  (星期四、五、六)

時間： 12月3日 12:30pm-6pm；12月4日 12:30pm-8pm；12月5日 1pm-7pm

地址： 鰂魚涌太古坊糖廠街 

價錢：免費入場

今年，太古白色聖誕市集以「ICE & COSY」為主題，於12月3至5日一連三日喺太古坊糖廠街舉行，等大家可以過一個充滿融融暖意之餘，又凍冰冰嘅白色聖誕！

為左配合「Ice & Cosy」主題，市集設有由十二米長嘅冷藏貨櫃箱改裝成『冰酒吧』；有真冰製作的冰雕、冰椅子同冰牆，搭配七彩的燈光效果，令你仿如置身於芬蘭的冰天雪地！最重要係，有機會喺攝氏零下五度嘅冰吧入面，一嘗兩款特調的伏特加雞尾酒同市集限定口味的手工雪條！

【INFO】

Ice Bar 冰吧

參與方法：現場捐款$80予愛心聖誕大行動，即可享用一杯雞尾酒（口味二選一）或一條手工雪條（口味三選一）。

除左特色冰感體驗之外，市集現場會有超過20個美食&手作攤檔、精彩表演同DIY 互動工作坊；可以親手製作獨一無二嘅聖誕小禮物，送俾親朋好友！

「白色聖誕市集」2015 活動地圖

「白色聖誕市集」2015節目表

另外，喺萬眾期待的「聖誕老人玩轉太古坊2015 ─ 冰雪挑戰」中，參加者會化身聖誕老人及小精靈，喺太古坊內「玩轉」冰雪王國，仲會接受一連串驚喜十足的「冰雪挑戰」！

【INFO】

「冰雪挑戰」活動詳情：

 日期：5/12//2015 11:00am (星期六)

 地點：太古坊

2.【奧海城聖誕市集 2015】    

日期：12 月 5, 6, 12, 13, 19, 20, 24 - 27 日 
時間：下午 1 時至晚上 9 時
地點：奧海城 2 期露天廣場*
特別開放時間：聖誕前夕12 月 24 日：下午 5 時至晚上 9 時*

香港市集協會(HKMO)再度與奧海城合作，為大家帶來一連四星期共十天日嘅戶外聖誕市集！

奧海城聖誕市集將有過百個攤位展出，包括香港製造的金豬嘜、智力玩具專門店智趣坊等；攤位仲有好多特色貨品，例如全球最大乳酪雪糕品牌Red Mango、Do姐去Shopping節目中推介的法國人氣閃電泡芙、帶學習元素的特色毛絨玩偶套裝同其他手作精品/首飾等等。大家可以去玩去食去睇睇！

市集更於特別日子設有「Christmas Market For Kids 」兒童檔主專區，由小朋友做檔主DIY北歐小食、自制聖誕曲奇及繪畫人像畫等等。

【INFO】

「Christmas Market For Kids 」兒童檔主專區

日期：12月 5、6、12、13、19、20、26及27日

活動：DIY北歐小食、自制聖誕曲奇及繪畫人像畫等等

市集當然唔少得精彩嘅表演啦！今年有來自 Annasaba Dance and Performance Academy 嘅藝術總監 - Anna Lam 林惠蘭同其舞團表演肚皮舞；仲有本地唱作歌手NORAH S同你嚟個黃昏音樂會！

 

3.【海利公館聖誕市集】

日期：2015年12月11-13日 (星期五、六、日)

時間：12月11日17:00 – 23:00；12月12日 12:00 – 23:00；12月13日 12:00 – 21:00

地點：尖沙咀廣東道2A號「1881」海利公館鴿舍中庭

價錢：免費入場

位於尖沙咀「1881」嘅海利公館，將會舉辦為期三日嘅聖誕市集！預先俾我地感受歐式節日嘅濃厚氣氛！

今年海利公館聖誕市集以四個「C」為主題，象徵 Christmas（聖誕）、Cheese（芝士）、Chocolate（朱古力）及Charity（慈善）。

市集場內設有多個攤位，聖誕擺設、應節食物，手工藝品等包羅萬有；仲有聖誕老人出沒、傳統聖誕詩歌同各式各樣表演，大人同小朋友都可以喺維多利亞式建築下提早感受濃厚的聖誕氣氛！

小朋友仲可以化身為聖誕小精靈，贏取豐富獎品；同日歡迎大家捐助玩具俾有需要的小朋友，一齊分享聖誕的快樂！

4.【赤柱廣場聖誕海濱市集】

日期：12月12、13日；12月19、20日（星期六及日）

時間：中午12時至下午8時

地點：赤柱廣場天幕廣場聖誕海濱市集及德國村專區

「赤柱廣場聖誕海濱市集2015」獲德國駐香港總領事館及德國商會全力支持，將會有大約80個特色攤檔，打造首個「港版德國聖誕市集」！

市集特別打造成德國小村，村入面將會有多個售賣德國傳統應節食品同精品的特色攤檔；包括：迷你德國聖誕樹、胡桃夾子、木製玩具、木製音樂盒、特色燈飾擺設、熱紅酒及香腸等等。特別在於，大部分美食同精品都係由德國人手製造同空運到港㗎，大家可以感受到百分百正宗的德國風情！

德國村唔單止參照德國傳統市集設計，仲會配上閃爍燈飾，令聖誕氣氛大增！

活動場內仲有多個1.8米高之傳統胡桃夾子木偶大拍合照！喺12月 12及20日4pm-8pm，聖誕老人會現身市集同市民合照，一於捕捉佢影相啦！

其實每個歐洲聖誕市集都有其專屬紀念杯盛載熱紅酒而且刻有年份，係逛市集的獨特紀念品。「赤柱廣場聖誕海濱市集」紀念杯，特別注入赤柱特色建築美利樓為圖案，具有收藏價值。由今日起至20日於赤柱廣場消費滿600港元或以上，就可以免費換領限量版聖誕市集紀念杯一隻，仲可以喺聖誕市集享用免費傳統熱紅酒 （Mulled Wine）一杯。
*換領熱紅酒的人士必須為18歲或以上*

其他聖誕市集：

5.【聖誕老人唔易做】聖誕市集：

日期：2015年12月5-6日 (星期六、日)

時間：12:00 - 18:00

地點：屯門黃金海岸 Rooftop

價錢：免費入場

簡介：以嘉年華會式市集作為賣點，超過50個特色檔主、多個親子工作坊、兒童面繪服務、Live Band Show、多個聖誕主題攝影區、仲有聖誕老人陪你影相兼玩遊戲！

6.【愉景灣聖誕特別版市集】：

日期：2015年12月13日

時間：11:00 – 18:00

地點：愉景灣愉景廣場

價錢：免費入場

簡介：聖誕市集將有140個攤位，集合不同類型的特色手作品，包括手作飾品、環保服飾、嬰兒用品、家居裝飾等等，讓大家在市集中搜羅心儀的聖誕禮物同體驗歐洲聖誕市集的熱鬧氣氛！

7.【銅鑼灣Santa Paws慈善市集】：

日期：2015年12月 12日 - 13日 , 19日 - 20日 

時間：2:30-5:30(Santa Paws慈善市集)

地址：銅鑼灣Fashion Walk食街   

價錢：免費入場
簡介：市集以寵物為主題，將會有寵物美容用品、服飾、零食及寵物禮物籃等等，大家更可帶寵物來和聖誕老人一起拍照留念，有養寵物的朋友一齊黎玩下！

MALL MALL 查:

FaceBook Page: https://www.facebook.com/mallmallcheck
Blog: http://mallmallcheck.blogspot.hk/
Email: mallmallcheckmmc@gmail.com