【嬰幼兒「肌・能」訓練學園】

下個禮拜就到復活節！主角除左係一班活潑好動嘅小朋友之外！

當然仲有超賣萌嘅BB啦！

嚟緊3月25-28日荷里活廣場將會顆拍香港優閒協會，呈獻【嬰幼兒「肌・能」訓練學園】，

到時會有不同嘅感知體能運動及攤位遊戲，等一眾萌B可以大展身手！

2至6歲活力幼童專區：

Super Junior 高爾夫教室 (時間：12:00 - 20:00)

大會特別邀請被譽為「高球神童訓練搖籃」嘅澳洲高爾夫學院全新設計高球訓練三步曲，

為幼童提供全面多元智能訓練，啟發運動細胞。（2張慈善活動劵／1節）

笑「騎騎」HOP HOP 騎馬競技場 (時間：12:00 - 20:00)

大會設有HOP HOP騎馬競技場，五隻精靈可愛嘅小馬會喺賽道上恭候小朋友大「駕」光臨，鼓勵孩子動用全身肌肉策騎愛駒，喺場內特設嘅賽道上奔馳前進，可以訓練小朋友肌肉力量、強化四肢及手眼協調能力。（2張慈善活動劵／1節）

0-14個月精靈嬰幼專區： 

BB按摩  (時間：12:00 - 18:00)

主辦單位特別邀請資深嬰兒按摩師駐場向父母傳授按摩心得，
原來按摩可以促進BB腦部及全身發展，亦可以加強親密感；
按摩師仲會即場示範適合6個月以上嘅BB進行嘅五式伸展操，
新手爸爸媽媽一定要去學返兩招啦！
（12張慈善活動劵／1節，須包括一名12個月以下嬰兒，歡迎即日預約，額滿即止）

BB爬行大賽  ( 時間：3/26 (六) 12:00 - 18:00 )

幫各位萌B按摩熱完身之後，就梗係要俾佢地大展身手啦！喺BB爬行大賽入面，一眾爸媽可以為萌B 打扮成不同超萌造型，爭奪復活節最佳造型獎。

參加查詢：event@baby-kingdom.com

全天候親子動感教室 大小朋友齊參與：

「B」模爬攝館
寶貝探索感官體驗，訓練小小模特兒對鏡頭敏感觸覺
「任爬任攝自拍」(12:00 - 14:00，17:00 - 20:00) ( 2張慈善活動劵／1次 )

「攝影大師為你拍」(14:30 - 16:30) ( 10張慈善活動劵／1次 )

新手媽咪學堂 (時間：3/27 (日) 14:00 - 15:30 、 3/28 (一) 15:00 - 15:30)

專業陪月員無私分享 湊B新知你要知 (免費參加，即場排隊)

復活節BB展銷 

另外，荷里活廣場亦都會同場舉行「2016年復活節BB展銷」，雲集20個最受父母歡迎嘅精選品牌，帶來最全面嘅嬰幼兒產品，同埋復活節糖果朱古力、節日特別版產品，保證每位去到都搵到心頭好！

$1慈善拍賣 （時間：3/27 (日)、3/28 (一) 14:00 - 14:30)

大會亦舉行 $1慈善拍賣，當中嘅產品有：Babybjorn揹帶 $1700、嬰兒監察器 $1500、大量童裝、嬰兒用品及玩具等！！各位明精眼企嘅爸媽仲唔𥄫實！

特別推介：

山下菓子復活節限定爆FUN瑞士卷

香港卡通瑞士卷元祖山下菓子將推出香港獨家設計、復活節限定爆FUN瑞士卷，全人手製造，再由專程從日本空運到港嘅機器印上完美卡通圖案，很明顯要相機食先啦！

CHOCOLAT-IER Pop-Up甜心糖果屋 限定棒棒糖

英國人氣品牌CHOCOLAT-IER與荷里活廣場合辦Pop-Up甜心糖果屋，仲做獨家9折優惠，復活節限定朱古力捧捧糖仲有小雞、小兔揀！一齊過一個Sweet Sweet 嘅復活節！

LUXOR復活節特別版夢幻球朱古力

曾為胡杏兒、Angelababy等藝人婚禮出場嘅LUXORChocolate近年人氣急升，同樣為荷里活廣場推出復活節特別版「夢幻球朱古力」，來自地中海嘅特醇朱古力包住色彩繽紛嘅糖衣，每一粒也刻上特別圖案同字句，可以俾大家擁有一隻屬於自己嘅復活蛋。


活動詳情：

活動：【嬰幼兒「肌・能」訓練學園】

日期：3月25日 - 3月28日

時間：12:00 - 20:00

地點：荷里活廣場

參加辦法：只需即場捐款$10予BEYOND兒童特殊需要基金，即可換領「慈善活動劵」一張，憑指定數目的「慈善活動劵」便可參加場內遊戲活動，活動名額有限，額滿即止！每日首150位換領「慈善活動劵」的參加者便可獲贈澳洲牛奶餅一包。