廣場內有多個懷舊場景，包括龍鳳酒樓、大大辦館、人人白粥，仲有唔同種類嘅懷舊小食。快啲帶埋屋企人去重拾童年味道啦！
【懷舊必影位「一」： 龍鳳酒樓】
講到「內有雅座」，又點少得龍鳳酒樓呢？牆上有塊紅色嘅餐牌，掛上七彩顏色的雀籠，坐喺座位上望住籠叉燒包，真係同舊式酒樓極似！學星爺話齋「坐低飲啖茶，食個包」！
※唔講你唔知，龍鳳酒樓係香港最早有冷氣嘅酒樓※
【懷舊必影位「二」：大大辦館】
大大辦館仿效舊式雜貨店，鋪前有唔同大小嘅玻璃樽&多款懷舊小食。小編至愛白免糖同椰子糖！
*猜猜綠色鐵箱裝左咩野食？唔識可以問屋企有咁上下輩份嘅定家庭觀眾！*
(文章尾開估)
(文章尾開估)
【懷舊必影位「三」：人人白粥】
撐小販檔！人人白粥模仿香港舊式小販檔，攤檔內有碗筷，鋪前放左幾張長凳。坐喺長凳上，配合埋街道佈景板，彷如置身於老香港，品嚐地道美食！
※唔講你唔知，白粥另一個名叫「靚女」；白飯就叫「靚仔」，絕配！※
【懷舊必影位「四」：舊招牌】
懷舊墟嘅另一個特色，就係有好多舊招牌懸掛喺廣場內，「正牌荷蘭水」、「亞二涼茶」、「佳麗大戲院」。依啲咁特色嘅名，宜家真係買少見少，梗係要影番張相留念啦！
【TKO
Plaza x 風華再現懷舊墟】
日期：即日－4月13日時間：上午11時 ‑ 下午10時
地點：將軍澳廣場
No comments:
Post a Comment