【海港城 x 日本櫻花文化祭】

想睇櫻花？唔洗一定要去日本嘅！今個復活節海港城搞左個「日本櫻花文化祭」，有靚靚櫻花睇之餘，仲有一系列精彩活動等大家唔洗飛去日本都可以感受到濃濃嘅日本氣氛！

等小編帶大家睇下有咩精彩活動啦：

1. 日本櫻花
話明櫻花文化祭，主打當然係日本櫻花啦！三、四月正係櫻花盛開嘅時期，依個時候去睇就最適合不過啦。今次文化祭引入嘅係土種櫻花，仲特別用清酒量器「枡」黎作為花盆。

2. 「枡之演變」藝術展覽
枡係日本傳統嘅量器，最初用黎量米，後來用黎量酒，今時今日就成為左用黎飲用清酒嘅器皿。到底用枡可以創作到點樣嘅藝術品出黎呢？「枡之演變」藝術展覽將會展出20款由枡作為基礎而創作嘅手作！

3. 「清酒 x 漫畫」藝術展覽
你有無試過將一樣食物嘅味道寫出黎呢？諗唔到用咩詞彙去形容？咁試下畫出黎啦！
來自石川縣嘅22家酒莊特別邀請左22位日本漫畫家，請佢地品嚐完自家嘅招牌清酒之後，再用漫畫黎到表達每款清酒嘅口味。依個咁特別嘅展覽仲係海外首次展出，唔好錯過呀！

日期：2016年3月17日至3月31日

時間：上午10時至晚上10時
地點：海港城港威商場大堂I

4. 日本傳統樂器演出
除左視覺上面嘅享受之外，海港城仲邀請左日本和樂器組合「結~YUI~」喺商場內演奏傳統樂器古箏、尺八等等，到時一定好似置身喺日本咁呀！

「結~YUI~」津輕三味線個人演出：
日期及時間：2016年3月23日 下午6時30分
日期及時間：2016年3月24日 下午1時 及 6時30分
日期及時間：2016年3月27,28日 下午2時、4時 及 6時

「結~YUI~」組合演出：
日期及時間：2016年3月25,26日 下午2時、4時 及 6時
地點：海港城 港威商場大堂ll

5. 期間限定居酒屋
行飽飽，就要去食飽飽。海港城特別開設左期間限定嘅居酒屋，有多款清酒選擇之餘，連果酒、培茶都有！照顧哂不同口味嘅大家！

開放時間：
2016年 3月17日 - 3月31日
晚上6時 - 8時 (星期一至五)
下午2時 - 晚上8時 (星期六、日及公眾假期)

6. 同場加映 和牛料理
喺「日本櫻花文化祭」展出期間，海港城內嘅餐廳會推出和牛料理黎襯托櫻花！
參與餐廳包括：牛角日本燒肉專門店、溫野菜、西村日本料理、add@Prince、Be On Canton、Cafe Marco、Cucina、ÉPURE、Le Café de Joël Robuchon、niji bistro & Noritake 及 Three On Canton



【日本櫻花文化祭】
日期：2016年3月17日 - 3月31日
時間：10 a.m. - 10 p.m.
地點：海港城 港威商場大堂l及ll