【蔬食文化節＠荷里活廣場】

素食主義喺香港已經愈來愈普及，而且開始年輕化。

素食已經擺脫咗單調嘅形象，食素除咗有「營」外，都可以有好多變化同款式！
荷里活廣場與志蓮淨苑將於7月13至於17日連續第4年攜手舉辦【蔬食文化節＠荷里活廣場】，
今年亦都加入全新蔬食體驗！特別要介紹首次推出嘅多款限量「蔬食懶人包」，
入面已經包括蔬食菜式的食材同調味料，啱哂好似小編咁懶但又想食得健康嘅人！！
另外，志蓮香積廚大廚為今年活動全新設計咗多款素食同多國特色素菜讓大家一嚐；
「蔬食達人」更會向小朋友講解及示範家居有機種植，令大小朋友都可體驗更多嘅素食生活。

活動內容：

愛心品嚐蔬食專區
蔬食大廚甄頌英為今年活動設計多款全新菜式，包括柚子醋紫甘藍沙律、風味青瓜苗、松露百合露筍餃同蘑菇甘藍包等。市民只需愛心付獻滿HK$10至HK$40就可以品嚐其中一款，由套餐客飯、主菜、點心甜品及至飲料湯水等。

環球蔬食Buffet
Buffet 相信大部分人都有食過，但係只要素食嘅Buffet 就應該無咩人試過！
今年蔬食文化節劃分咗Buffet 專區，推出多國特色素色主題嘅環球自助餐，
例如日式關東煮、法式芝士餅、星馬喇唦、韓式泡菜年糕鍋、德國香辣麥根、意大利披薩、
俄式雜菜湯、泰國冬蔭素菜、葡式買蔬和中式紅豆沙等等，希望藉著不同嘅選擇，進一步擺脫單一嘅形象。（愛心付獻HK$240 即可二人同行入場，名額每日20對。)

蔬食超市
為加強在家素食嘅體驗，志蓮淨苑設置「蔬食超級市場」。由新鮮蔬食食材以至日常煮食素材，都可於超市揀選心水貨品。最重要當然有上文提過嘅「蔬食懶人包」！「蔬食懶人包」由志蓮香積廚大廚嚴選食材並配以食譜，希望大家都可以簡單製作豐富健康嘅住家菜，
擺脫過往素食單調嘅錯誤觀念。期間設有8款「蔬食懶人包」：豆片炆節瓜、翡翠百福袋、碧玉如意角、四喜酵夫、紫薑腐竹、菠蘿咕嚕麥纖、龍門薑醋、松露卷，每日限時限量供應，手快有手慢無！

蔬食生活學堂
呢個係以提倡食農教育為主題嘅小孩教室，教室取材自日本嘅「食農教育」，主要希望加強大家對食物營養、食品安全嘅認識，同埋食文化傳承、與環境調和、對食物感恩之心等；
希望透過食養教育，讓大小朋友都了解能達致健康身心嘅生活方式。
到時多位「蔬食達人」會係教室內講解，並以VR（嶄新虛擬實境）方法，向小朋友展現現代畜牧和養魚業對環保影響同有營健康飲食資訊，增加互動性。
「蔬食達人」更會教授小朋友家居種植嘅方法，讓小朋友有更親身嘅種食感受。其間，小朋友更可以品嚐用有機香草製成嘅香蕉芒果露同苜蓿芽菜紫菜手卷。完成活動後小朋友更會獲頒證書及「蔬食生活學堂秘笈」並領取植物種子連盤回家繼續種植。
(只要當日喺荷里活廣場商舖消費滿HK$200，憑即日單據為小朋友報名參加「蔬食生活學堂」一節，名額有限，先到先得。適合6-14歲學童參加)

【蔬食文化節＠荷里活廣場】

日期：7月13日至17日
時間：12:00pm - 8:00pm
地點：荷里活廣場一樓明星廣場
查詢電話：21188811