意大利假期嘅選址就係米蘭喇!今次The ONE嘅小丸子展覽會喺露天廣場搭建一個意大利式嘅小丸子Milano花圃,真係好靚呀!花圃除左會有一個由唔同鮮艷嘅花種砌成嘅小丸子頭像之外,旁邊亦會有小噴水池同花卉做點綴。7月3日開始就開放參觀㗎喇!大家準備好相機同花花小丸子影多啲靚相啦!
另外,「The ONE x 櫻桃小丸子 Mamma Mia得意之旅」展覽,將會喺7月9日開始展出,以意大利嘅名勝作為主題,所以展覽中庭會搭建成意大利嘅羅馬許願池。影完花圃記得上埋嚟睇啦!
另外,繼上一次皇室堡小丸子嘅名車巡遊大獲好評後,尖沙咀The ONE 7月2日會再有小丸子名車巡遊,作為預告7月9日正式開幕嘅「The ONE x 櫻桃小丸子 Mamma Mia得意之旅」!喺名車巡遊之後,如果無受天雨影響,The ONE仲會特別安排100個名額,俾小丸子嘅粉絲們坐上名車同小丸子、花輪同學、同埋野囗同學合照,機會真係好難得嫁!
活動詳情如下:
日期:2016年7月2日 星期六
時間:下午1時30分(名車巡遊)
嘉賓:小丸子、花輪同學及野口同學
地點:尖沙咀The ONE露天廣場 (加拿分道入口)
名車巡遊路線:名車將由The ONE加拿分道對出出發,之後往金巴利道,轉入彌敦道後經金馬倫道返回加拿分道The ONE出發點俾嘉賓落車。
時間:下午3時(小丸子名車合照)
(名額100個,須於當日下午2時30分開始在尖沙咀The ONE露天廣場排隊,先到先得。
若當天下午1時30分仍下雨,活動會自動取消)
The ONE x 櫻桃小丸子 Mamma Mia得意之旅 展覽活動
日期:2016年7月9日 – 8月31日
地點:尖沙咀The ONE中庭及地下露天廣場
No comments:
Post a Comment