小編再介紹多個活動俾大家啦！
赤柱廣場以「音樂殿堂」為主題，舉辦咗「領展赤柱廣場夏日音樂節」，
一連三日，匯聚多隊本地組合同表演隊伍獻上精彩舞台表演，
為大家帶嚟一個狂歡嘅假期！！
活動第一日嘅主題為「Dancing Queen」，連串狂熱舞曲加上強勁節拍，必然能帶動全場氣氛。
鍾意電影嘅就不能夠錯過第二日嘅「電影樂曲馬拉松」，到時嘉賓將會演奏多首耳熟能詳嘅大熱電影樂曲，相信音樂一起，大家就已經可以跟住唱啦！
壓軸嘅一日，樂隊將會以歌聲向歷代偶像歌手致敬，由60年代至80年代，全日送上跨年代經典金曲！
參加活動嘅樂迷可以配合主題或扮演當年偶像歌手造型參加「最佳造型比賽」，贏取豐富獎品！潮拍區內可任意穿搭由大會提供特色配飾，拍攝造型照；赤柱廣場創意市集則提供主題小物及服飾攤檔，免費提供水印紋身，保證大人小朋友樂而忘返。
P.S. 消費滿港幣$300，就可換領特色消暑飲品乙杯。(每日得250杯，換完就無架啦！）
【領展赤柱廣場夏日音樂節】
日期：6/9，6/11，6/12
地點：赤柱廣場
No comments:
Post a Comment