【奧海城 RUNNING M&M’S® 全能挑戰場】

奧運係今個暑假最Hit嘅話題，好多大型商場亦以此作為招來，打造多個室內運動場等大家都可以一齊感受依般運動熱潮！M&M’S®75週年，加埋運動，會變成點呢？呀紅呀黃落場跑就一定嫁啦，不過今次奧海城仲特別加入韓國人氣綜藝節目RUNNING MAN嘅元素落去，特別打造咗全港首個「RUNNING M&M’S®全能挑戰場」，你有無信心去挑戰呀紅呀黃？

「RUNNING M&M’S®全能挑戰場」將於7月14日正式開始，現場設置咗多個刺激好玩嘅運動項目，包括競跑、平衝木、M&M’S®石春路、M&M’S®攀石牆等等，呀黃跑得咁快，想追佢就要過五關斬六將啦！

做運動之前一定要有充足嘅熱身，喺依個全能挑戰場亦都唔例外。現場特設兩個小遊戲，等大家熱完身先上戰場。

1. 熱身遊戲：豆袋射擊

利用豆袋及椏杈擊中牆上嘅M&M’S。唔好輕敵呀！除左考你眼界之外，力度控制都好重要嫁。

2. 熱身遊戲：劍擊

模擬劍擊運動。當牆上唔同顏色嘅燈著，參加者就要用劍"拮'' 向燈，好考大家嘅身手同反應！

RUNNING M&M’S®熱身遊戲區
日期：2016年7月14日 至 8月31日
時間：星期一至五：下午二時至六時
　　　星期六、日：下午十二時至九時
地點：奧海城2期地下主題中庭
參加方法：凡於奧海城或中港薈任何商戶消費滿指定金額，即可換領「RUNNING M&M’S®熱身遊戲」遊戲券1張，成功完成遊戲可嬴取限量版M&M’S®禮品乙份



「RUNNING M&M’S® 3項鐵人挑戰賽」

話明3項鐵人，參加者要喺限時之內完成3個項目先當成功嫁！不過喺星期六、日將會變成3個獨立嘅項目，大家可以分開玩，咁就容易啲啦！一齊睇下有邊3個項目，等大家做足準備先挑戰。

項目1

1. 爬過巨型管道
2. 喺「M&M’S®朱古力池」入面揀5粒相同顏色嘅M&M’S®朱古力放落擔挑/背囊
3. 行過獨木橋及M&M’S®石春路

完成！

項目2

1. 跳過車軚陣
2. 爬上2米高M&M’S®攀石陣
3. 瀡滑梯落嚟

完成！

項目3

1. 將擔挑/背囊入面嘅5粒M&M’S®朱古力倒出嚟
2. 用工具將朱古力放係棋盤上
　（紅色朱古力要放番紅色格）
　（工具會事前進行抽選，包括有筷子、機械手、鉗）

完成！記得衝線呀！

RUNNING M&M’S® 3項鐵人挑戰賽

日期：2016年7月16日 至 8月28日
時間：星期六、日：下午十二時至九時
地點：奧海城2期地下主題中庭

參加方法：凡於奧海城或中港薈任何商戶消費滿指定金額，即可換領「RUNNING M&M’S®3項鐵人挑戰賽」遊戲券1張（每張遊戲券可參加1個挑戰項目1次），完成1個項目可獲得2個印花，成功挑戰3個項目並集齊6個印花，即可換領別注版RUNNING M&M’S®跑跑氣球乙個

注意事項：
1. 小朋友都玩得，但要6歲及身高122cm(4呎)或以上先可以獨立玩，如果唔係就要家長陪同，挑戰內容亦可能會稍作更改；而兩個熱身遊戲其實係俾小朋友玩，所以無年齡同身高限制
2. 記得著襪
3. 做定熱身，注意安全
4. 如果想拎氣球番屋企，就記得搵個膠袋入住先好搭港鐵
5. 同朋友組隊鬥，最好玩刺激！


RUNNING M&M’S® 全能挑戰場
日期：2016年7月14日 至 8月31日
時間：下午十二時至九時
地點：奧海城2期地下主題中庭