【「又一城歡天雪地」共你「冰上月圓慶中秋」】

中秋節唔想喺街玩到一身汗？嚟又一城過一個涼浸浸嘅中秋啦！

「又一城歡天雪地」特別舉辦「冰上月圓慶中秋」，共有三大特色，當中包括一系列工作坊、表演、仲有遊戲活動，同大家共渡依個人月兩團圓嘅美滿時光！

1. 「蝶古巴特」中秋燈籠工作坊

中秋節當然要玩下燈籠，但當你發現上年買個個收埋喺床下底搵唔番，再買個新嘅又好似唔係好環保，咁不如今年試下自己動手造一個啦！家長仲可以同小朋友一齊參加！

「蝶古巴特」(Decoupage) 喺歐洲已經流傳近三百年，係一項以裱貼為製作方式嘅手工藝，大家可以配合不同圖案嘅紙張，DIY自己喜愛嘅燈籠圖案，親手造出一個獨一無二嘅燈籠。
工作坊完成後，導師更會選出最具創意嘅作品，得獎者可獲家庭溜冰套票乙份價值港幣280元。名額有限，不容錯過！

2. 花式溜冰表演

為慶祝中秋節，「又一城歡天雪地」嘅花式溜冰學員將會獻上一系列花式溜冰表演，優美而高難度嘅動作將會帶俾大家最精彩、熱烈嘅夜晚，啱哂一家大細一齊欣賞。

3. 中秋燈謎連環猜

猜燈謎又係中秋另一指定動作，「又一城歡天雪地」嘅「中秋燈謎連環猜」必定係挑戰自己嘅最佳活動！大家除咗可以喺「又一城歡天雪地」共賞花燈之餘，仲可挑戰自己，喺場內猜猜燈謎，猜中指定數目燈謎嘅顧客更有機會獲贈大獎PIZZAEXPRESS港幣100元餐飲禮券*、二獎2/3 Dolci買一送一意大利雪糕及飲食優惠券*或三獎 PIZZAEXPRESS 港幣50元餐飲禮券*！有得玩又有禮物，正呀！

「又一城歡天雪地」中秋節目表

節目	日期	時間	地點
「蝶古巴特」中秋燈籠工作坊	9月11日	下午1時30分 及 下午4時	UG層 「又一城歡天雪地」
花式溜冰表演	9月15日	晚上8時15分
中秋燈謎連環猜	9月15至16日	晚上6至10時

* 附有條款及細則限制；數量有限，送完即止。

【「又一城歡天雪地」共你「冰上月圓慶中秋」】

日期：2016年9月11至16日

地點：九龍塘 又一城 UG層 又一城歡天雪地