【「又一城歡天雪地」全力支持：「亞洲青少年花樣滑冰挑戰賽」香港站】

由香港滑冰聯盟主辦嘅「2016/2017亞洲青少年花樣滑冰挑戰賽」香港站將會喺10月3日至5日 (星期一至三)，一連三日喺「又一城歡天雪地溜冰場」舉行。今次比賽由亞洲滑冰聯盟認可、康樂及文化事務署、民政事務局藝術及體育發展基金資助，以支持溜冰運動發展，更為熱愛溜冰嘅運動員提供實戰經驗。

今年共有超過170名來自香港、中國、中華台北、印尼、馬來西亞、菲律賓、新加坡及泰國嘅滑冰高手參加，合共8個國家地區20支隊伍嘅滑冰好手將會雲集香江，同場較量，為觀眾呈獻耀目醉人嘅冰上藝術競技！

今年嘅賽事設置男、女子青年組、少年組、兒童組，同埋幼兒組單人滑冰。香港代表隊亦派出多位明日之星，當中包括數名奪標熱門 ─ 剛剛喺2016亞洲公開花樣滑冰錦標賽取得少年女子B高齡組第三名嘅周曉柔；喺少年女子A組分別取得第四及第五名嘅鄺曉晴及陳芊藍，其中前者亦在去年此項比賽中取得精英女子姐第二名，今年必定全力爭冠。

此外，7名受香港體育學院資助的精英運動員將率領一眾師弟妹，喺又一城內迎戰外隊，勢必翻起陣陣冰雪。歡迎各位屆時蒞臨「又一城歡天雪地」欣賞「亞洲青少年花樣滑冰挑戰賽」香港站之精彩比賽。


「亞洲青少年花樣滑冰挑戰賽」香港站  比賽日程：
地點：又一城歡天雪地 溜冰場

10月3日(星期一) 13:00–19:30
男、女子幼兒組自由滑
男、女子兒童組自由滑
男、女子少年組自由滑

10月4日 (星期二) 13:00–19:00
男、女子少年組短節目
男、女子青年組短節目

10月5日 (星期三) 12:30–18:00
男、女子少年組自由滑
男、女子青年組自由滑

咁精彩嘅賽事，大家唔好錯過啦！

【「又一城歡天雪地」全力支持：「亞洲青少年花樣滑冰挑戰賽」香港站】
日期：2016年10月3日至5日
地點：又一城歡天雪地 溜冰場