【試食報告】Pizza Express 冬季新菜式

最近嘅天氣開始感到陣陣涼意，同時亦勾起大家對熱辣辣菜或嘅食慾！
PizzaExpress就趁住夏天離去嘅時候，轉一轉新菜式，就等小編為大家介紹下有咩新菜式啦！

「芝」味頭盤 - 軟心芝士焗龍菌菇

以帕爾馬火腿包著 Tomino軟心芝士及菇味香濃的龍菌菇一起炮製，伴以醒胃黑醋醬汁，即叫即焗。

食後感：當入口時，會感受到火腿嘅脆、芝士嘅軟、菇嘅Juicy，層次分明，亦唔會奪去任何一方嘅味道！建議大家要趁熱食，凍左嘅芝士食落會好膩。

牛油果藜麥沙律

紅白藜麥配以高纖維的牛油果、經烤焗過的南瓜，加上紅莓乾及車里茄；還有新鮮薄荷葉、蕃茜及百里香，伴以檸檬油作沙律汁。
（食材簡介：藜麥含豐富蛋白質及八種人類必須氨基酸，有超級食物之稱，獲美國太空總署(NASA)選為最佳太空人食物，被聯合國糧農組織(FAO)認定為唯一嘅完美營養食品。

食後感：味道非常清甜醒胃，用咗兩種藜麥令口感豐富咗，牛油果同南瓜都非常新鮮，值得一讚係熟左嘅南瓜係爽口清甜，唔會好似平時咁變左做南瓜蓉咁！

蝦肉燴意大利飯

蝦肉配上洋蔥、橄欖及乾蕃茄，配以水欖醬加上巴馬臣芝士及蕃茜做點綴。

食後感：芝士味非常濃郁、蝦亦都非常爽口！比較失望係飯質比較爛，完全失去左意大利飯應該有嘅特質，希望可以儘快改善呢個問題啦！

香辣茄子薄餅

以惹味獨特嘅西西里香料、香濃醃辣甜椒、辣椒及生薑，還有以蒜蓉醃製過嘅茄子、配合巴馬臣芝士焗製，最後放上新鮮火箭菜

食後感：薄餅一出就嗅到一陣特別嘅香味，有點似孜然粉嘅味道，芝士香濃嘅味道配上香辣配料及茄子，確實係一個特別嘅組合！

波隆拿肉腸薄餅

以紅酒烹調嘅蕃茄牛肉醬，配以經醃製嘅辣甜椒，還有口感豐富嘅傳統意式肉腸、滋味巴馬臣芝士，辣椒及蒜蓉油焗製，最後放上新鮮火箭菜做點綴。

食後感：好經典嘅意式薄餅味道，未食已經嗅到好香嘅蒜蓉味，入口時覺得味道很好，但唔食辣嘅朋友要注意，因為味道都偏辣！

松露菌薄餅

以菇味香濃野菌，配以香口蒜蓉，加上迷迭香一起焗製，最後灑上香濃嘅松露菌油。

食後感：野菌味道係好新鮮，不過略嫌芝士嘅味道會蓋過野菌味道，即使加上松露菌油亦未太能夠突出菇味，另外，因為野菌會出水，令薄餅不夠脆。

焗野莓金寶

烤焗之金黃香脆嘅牛油金寶脆粒，外層滋味脆口，入面是以新鮮士多啤梨、藍莓果肉及野莓果醬製成嘅餡料；伴以雲呢拿雪糕。

食後感：外層香脆，將雪糕加金寶脆粒及餡料可以食出層次味道，餡料偏甜，但喜歡吃甜嘅朋友應該會非常滿意


總結：今次PizzaExpress嘅新菜式味道好好，亦為左吃素嘅朋友提供不同嘅選擇，個人推介波隆拿肉腸薄餅、牛油果藜麥沙律、軟心芝士焗龍葵菌。