將軍澳廣場將聯同 vGo Market於1月7日及8日(星期六及日) 為大家帶嚟「來做一日喵」周末市集：市集內有超過六十檔貓咪精品及手作、大型貓屋俾你同愛貓一齊影相，「紙箱貓貓告示貼」免費贈送，仲有貓醫生「波波」到場，同大家分享貓醫生嘅日常同影相。貓貓將帶領大家暫忘一切繁囂，好似貓咪一樣，隨自已嘅心靈，盡情玩樂或休息，滿足一番！
「Purr Purr PaPa 」係一個以趣怪肥貓形態嘅可愛小飾物為主嘅品牌， 掛上佢嘅繡花襟針同頸鏈，就好似有隻肥貓瞓喺身邊陪你周圍去！而可愛嘅貓奴利是封 catpocket 亦會於現場發售。
而另一貓咪品牌「Katland Studio」則以檔主所養嘅可愛小貓 – 小吉為題，希望同大家分享小吉嘅生活點滴，作品多為手繪飾品及明信片，現場除左有小吉賀年明信片外，主角「小吉」亦會現身支持市集呢！
手工糖果「Hey Candy」為市集製作左「貓咪波板糖」，十分趣緻！而檔主亦會喺市集內大派手工糖果，各位小朋友記得唔好錯過啦！
皮革手作「Handmade with Fun」亦為今次市集準備左各式貓咪頭像皮革，可愛之餘亦不失實用。
如果想要優雅而實用嘅貓咪皮革手作，「APrilEYes」皮雕係唔錯嘅選擇，檔主將原創獨特嘅畫作以手繪烙畫在皮革上，再錘打出凹凸立体浮雕效果， 毎件作品都細緻優美。
而「Little thing by K」係利用星砂創造嘅小飾物，「星砂」外形猶如天上星星，係附在海草上嘅小生物，隨著海浪打上岸邊，傳說佢會帶來好運！而檔主亦創造了多款貓咪外形嘅小飾物，希望新一年為大家帶來幸福好運！
「Mini-Hands小手作」所創作嘅掛杯貓喵，會令你一眼愛上，愛不釋手。
「Kelly i Flower保鮮花工作坊」除了有各式形態保鮮花，更有手繪貓貓圖案花香磚，令你滿室花香。
將軍澳廣場 x vGo Market「來做一日喵」市集
日期：2017年1月7日至8日（星期六及日）
時間：正午12時至晚上8時
地點：將軍澳廣場中庭
（將軍澳地鐵站A2出口）
貓醫生「波波」粉墨登場
動物醫生一向以狗狗為主，貓咪則比較少有。但今次市集特別邀請到既專業又可愛嘅貓醫生「波波」粉墨登場。「波波」會一連兩日喺下午3時至4時同大家分享作為貓醫生嘅日常工作並同大家拍照留念！
時間：下午三時至四時
地點：將軍澳廣場中庭
（將軍澳地鐵站A2出口）
(@ShaTinBallBall)
體驗大型紙貓屋樂趣 「紙箱貓貓告示貼」免費贈送
為左令一眾愛貓之人更了解貓咪嘅喜好，是次市集特製左一間大型貓屋，令你可以體驗愛貓平時窩喺紙貓屋嘅心情，齊齊嚟做一日「喵」！另外，只要喺市集期間讚好將軍澳廣場及 vGo Market Facebook專頁，即可獲贈「紙箱貓貓告示貼」乙份，將幸福帶返屋企！
數量有限，先到先得，換完即止。
No comments:
Post a Comment